ಕನ್ನಡ ಪ್ರಬಂಧ ಸ್ಪರ್ಧೆಯ ಕರೆಯೋಲೆ

Vote this article

 

 

{image-02-ravi-reddy3.jpg thatskannada.oneindia.in}ಭಾರತದ ನೇಗಿಲಯೋಗಿಗಳ ಕಳವಳ ಮತ್ತು ಅವರಿಗೆ ಪರಿಹಾರ; ಐಟಿ ಬಿಟಿ ಬಿಪಿಒ ವಲಯ ಹಾಗೂ ಅಲ್ಲಿಂದ ಉದ್ಭವಿಸಿರುವ ಸಾಮಾಜಿಕ ಸಮಸ್ಯೆಗಳು. ಈ ಎರಡು ವಿಚಾರಗಳನ್ನು ಕುರಿತು ಬೆಳಕು ಚೆಲ್ಲುವ, ನಗದು ಬಹುಮಾನ ಪ್ರಬಂಧ ಸ್ಪರ್ಧೆಗೆ ಆಹ್ವಾನ.

ಗೆಳೆಯರೆ,

ಎಲ್ಲರಿಗೂ 2009, ಹೊಸ ವರ್ಷದ ಶುಭಾಶಯಗಳು.

ವಿಚಾರ ಮಂಟಪದ ವತಿಯಿಂದ ನಮ್ಮೆಲ್ಲರಿಗೂ ಸಂಬಂಧಿಸಿದ ಕನಿಷ್ಠ ಎರಡು ವಿಷಯಗಳ ಮೇಲೆ ಲೇಖನಗಳನ್ನು ಆಹ್ವಾನಿಸೋಣ ಎಂದು ಮನಸ್ಸಿಗೆ ಬಂದ ತಕ್ಷಣ ಈ ಆಹ್ವಾನ ಬರೆಯುತ್ತಿದ್ದೇನೆ. ಕನ್ನಡ ಬರೆಯಬಲ್ಲ ಯಾರು ಬೇಕಾದರೂ ಇದರಲ್ಲಿ ಪಾಲ್ಗೊಳ್ಳಬಹುದು. ಇಂಗ್ಲಿಷಿನಲ್ಲಿ ಬರೆದು ಕನ್ನಡಕ್ಕೆ ಭಾಷಾಂತರಿಸಿ ಬೇಕಾದರೂ ಸಲ್ಲಿಸಬಹುದು.

ದೇಶದ ಗ್ರಾಮೀಣ ಸ್ಥಿತಿ ಮತ್ತು ಕೃಷಿಯ ಬಗ್ಗೆ ಅನುಭವ ಅಥವ ಒಳನೋಟ ಇರುವ ಯಾರು ಬೇಕಾದರೂ ಯೋಚಿಸಿ ಬರೆಯಬಹುದಾದ "ಗ್ರಾಮೀಣ/ಕೃಷಿ/ರೈತ ಭಾರತದ ಸವಾಲುಗಳು ಮತ್ತು ಪರಿಹಾರಗಳು; ಸರ್ಕಾರಗಳು ಕೈಗೊಳ್ಳಬೇಕಾದ ನೀತಿಗಳು; ಗ್ರಾಮೀಣ ಭಾರತದ ಪ್ರಜಾಆಡಳಿತದ ಸವಾಲುಗಳು; ಜನರ ಪಾತ್ರ ಮತ್ತು ಅವರ ಮಿತಿಗಳು; ಗ್ರಾಮೀಣ ಉದ್ದಿಮೆಗಳು; ಇತ್ಯಾದಿ...", ಮೊದಲ ವಿಷಯ.

ಎರಡನೆಯದು : "ಭಾರತದ ಐಟಿ/ಬಿಪಿಒ ಉದ್ದಿಮೆ, ಅದರಿಂದಾದ/ಆಗುತ್ತಿರುವ ಒಳ್ಳೆಯ/ಕೆಟ್ಟ ಪರಿಣಾಮಗಳು; ನೌಕರರ ಮತ್ತು ಕಂಪನಿಗಳ ಸವಾಲುಗಳು, ಪರಿಹಾರಗಳು; ಮುಂದೆ ಸವೆಸಬೇಕಾದ ದಾರಿ; ಸರ್ಕಾರ ಮತ್ತು ಉದ್ಯಮ ತೆಗೆದುಕೊಳ್ಳಬಹುದಾದ ನಿರ್ಣಯಗಳು, ಇತ್ಯಾದಿ..."

ಪ್ರತಿ ವಿಷಯಕ್ಕೂ ಮೊದಲ ಬಹುಮಾನ ರೂ.2500
ಸಮಾಧಾನಕರ ಬಹುಮಾನಗಳು 5 - ತಲಾ ರೂ.1000
(ಒಂದು ವಿಷಯಕ್ಕೆ ಒಟ್ಟು ಬಹುಮಾನದ ಮೊತ್ತ ರೂ.7500)

ನಿಯಮಗಳು

* ಲೇಖನವನ್ನು ಸಬ್ಮಿಟ್ ಮಾಡಲು ಕೊನೆಯ ದಿನಾಂಕ ಜನವರಿ 25, 2009
* ಎಲ್ಲಾ ಲೇಖನಗಳ ಪೂರ್ಣಪಾಠವನ್ನು ಜನವರಿ 26, 2009 (ಭಾರತದ ಗಣರಾಜ್ಯೋತ್ಸವ) ರಂದು ವಿಚಾರಮಂಟಪ.ನೆಟ್‌ನಲ್ಲಿ ಪ್ರಕಟಿಸಲಾಗುತ್ತದೆ.
* ಫೆಬ್ರವರಿ 15, 2009ಕ್ಕೆ ಫಲಿತಾಂಶ ಪ್ರಕಟ.
* ಭಾರತದಲ್ಲಿರುವವರಿಗೆ ಬಹುಮಾನದ ಮೊತ್ತಕ್ಕೆ ಡಿ.ಡಿ. ಮಾಡಲಾಗುವುದು. ಬೇರೆ ಕಡೆ ಇರುವವರಿಗೆ ಡಾಲರ್ ಲೆಕ್ಕದಲ್ಲಿ ಚೆಕ್ ಕಳುಹಿಸಲಾಗುವುದು.
* ಇಂತಹವರು ಪಾಲ್ಗೊಳ್ಳಬಾರದೆಂಬ ನಿಬಂಧನೆಗಳೇನೂ ಇಲ್ಲ.
* ಲೇಖನ ಕನಿಷ್ಠ 1000 ಪದಗಳಿರಬೇಕು. ಗರಿಷ್ಠ ಮಿತಿ ಇಲ್ಲ. (ಪುಸ್ತಕಕ್ಕಾಗುವಷ್ಟು ಬರೆದರೂ ಸಮಸ್ಯೆಯಿಲ್ಲ).
* ಈ ಮುಂಚೆ ಬೇರೆಲ್ಲೂ ಪ್ರಕಟವಾಗಿರಬಾರದು.
* ಒಬ್ಬರು ಎರಡೂ ವಿಷಯಗಳ ಮೇಲೆ ಬರೆಯಬಹುದು.
* ಲೇಖಕರು ವಿಚಾರಮಂಟಪ.ನೆಟ್‌ಗೆ ಲಾಗಿನ್ ಆಗಿ ತಮ್ಮ ಲೇಖನವನ್ನು ಅಪ್‍ಲೋಡ್ ಮಾಡಬಹುದು. ಅಂದು ಅಪ್‍ಲೋಡ್ ಆದ ಲೇಖನದ ಮೊದಲ ಪ್ಯಾರಾವನ್ನು ಅಂದೇ ಪ್ರಕಟಿಸಲಾಗುತ್ತದೆ (ಪೂರ್ಣಪಾಠವಲ್ಲ). ಒಂದು ಸಲ ಅಪ್‌ಲೋಡ್ ಆದಮೇಲೆ ಕಾಗುಣಿತ ತಪ್ಪುಗಳನ್ನು ಹೊರತುಪಡಿಸಿ ಬೇರೆ ತರಹದ ತಿದ್ದುಪಡಿಗಳಿಗೆ ಅವಕಾಶವಿಲ್ಲ. ಹಾಗಾಗಿ ಪೂರ್ಣವಾಗಿ ಸಿದ್ದವಾದ ಲೇಖನವನ್ನೆ ಕಾಪಿ-ಪೇಸ್ಟ್ ಮಾಡಿ, ಒಂದೇ ಬಾರಿಗೆ ಅಪ್‌ಲೋಡ್ ಮಾಡಿ.

ಪ್ರೀತಿಯಲ್ಲಿ,
ರವಿ ಕೃಷ್ಣಾರೆಡ್ಡಿ, ಉತ್ತರ ಕ್ಯಾಲಿಫೋರ್ನಿಯ
ಜನವರಿ 1, 2009
ಇಮೇಲ್ : ravikreddy@yahoo.com

---

Comments | Save | Email | Retweet | Share on Facebook | Print | Feedback

---

Topics: ವಿಚಾರ ಮಂಟಪ, ಕನ್ನಡ ಪ್ರಬಂಧ ಸ್ಪರ್ಧೆ, ರವಿ ಕೃಷ್ಣಾ ರೆಡ್ಡಿ, ಗ್ರಾಮೀಣ ಭಾರತ, ಐಟಿ, ಬಿಟಿ, ಬಿಪಿಓ, vichara mantapa, ravi krishna reddy, rural india, essay competition, bpo, kannada essay.

ರ ಇತರೆ ಸುದ್ದಿ/ಲೇಖನಗಳನ್ನು ಓದಿ

User Comments

[ ಅಭಿಪ್ರಾಯ ಬರೆಯಿರಿ ]

   [ Read All Comments ]

ಇಂದ: ಜೈ ಕರ್ನಾಟಕ

ದಿನಾಂಕ: 08 Jan 2009 8:24 pm

ಯಾಕೆ ಸ್ವಾಮಿ ತಲೆತಿಂತೀರ, ನೀವು ಕೊಡೋ ಕಾಸಿಗೆ ನೀವೇ ಬರಕೊಂಡು ಓದಿದರೆ ಚೆನ್ನಾಗಿರುತ್ತೆ. ಎನೋ ರುಪಾಯಿ ಬದಲು ಡಾಲರ್ ಅಂತ ಬದಲಾಯಿಸಿದರೆ ಎನೋ ಬರೆಯಕ್ಕೆ ಸ್ಪೂರ್ತಿ ಸಿಗುತ್ತೆ. ಅಂದನ್ಗೆ, ೨೫೦೦/- ರುಪಾಯಿ ಅಂದ್ರೆ ನಿಮ್ಮ ಲೆಕ್ಕದಲ್ಲಿ ೫೦/-ಡಾಲರ್ ಅಲ್ಲವ್ರಾ ??. ಹೆಸ್ರು ಮಾಡ್ಬೇಕು ಅಂದ್ರೆ ಕಾಸು ಸ್ವಲ್ಪ ಬಿಚ್ಚಬೇಕು ಸ್ವಾಮಿ...ಇಂಥ ವಿಷಯಕ್ಕೆಲ್ಲಾ ಪ್ರಬಂಧ ಬರೆಯಕ್ಕೆ ಆಗ್ತದಾ ಬುದ್ದಿ....ಒಳ್ಳೆ ತಮಾಷೆ ಮಾಡ್ತೀರ. ಜೈ ಕರ್ನಾಟಕ

ಉತ್ತರಿಸಿ |  ನಿಂದನಾ ಸಂದೇಶವಿದ್ದರೆ ವರದಿ ಮಾಡಿ

---

ಇಂದ: ಜಯ ನಿರಾಣಿ

ದಿನಾಂಕ: 02 Jan 2009 6:04 pm

Good effort. I will send my article about contribution if BPO sector in Bangaloru.

ಉತ್ತರಿಸಿ |  ನಿಂದನಾ ಸಂದೇಶವಿದ್ದರೆ ವರದಿ ಮಾಡಿ

---

[ ಅಭಿಪ್ರಾಯ ಬರೆಯಿರಿ ]

   [ Read All Comments ]

ನಿಂದನಾ ಸಂದೇಶವಿದ್ದರೆ ವರದಿ ಮಾಡಿ ದೂರನ್ನು ಸರಿಯಾಗಿ ವಿವರಿಸುವ ಕಾರಣವನ್ನು ಆಯ್ಕೆಮಾಡಿ. ಪ್ರಕಟಣೆ... ಅಸಂಬದ್ಧ ಅಶ್ಲೀಲ ಸ್ಪ್ಯಾಮ್ ನಿಂದನಾ ಭಾಷೆ ಬಳಸುವುದು ಹಕ್ಕುಸ್ವಾಮ್ಯ ಮಾಹಿತಿ ಬಳಸುವುದು ಮಾನಹಾನಿ ಮಾಡುವ ಬರಹ ಇಲ್ಲಿ ನಮೂದಿಸಿದ ಸಂಕೇತವನ್ನು ಬಾಕ್ಸ್‌ನಲ್ಲಿ ತುಂಬಿರಿ   ರಕ್ಷಣಾ ಸಂಕೇತ : ಇದು ನಿಂದನೀಯ ಸಂದೇಶವೆಂಬುದು ನಿಮಗೆ ಖಚಿತವಾಗಿದೆಯೇ? ನಿಂದನೀಯ ಸಂದೇಶವೆಂದು ತಪ್ಪಾಗಿ ತಿಳಿಸಿದರೆ ವರದಿ ಮಾಡುವ ನಿಮ್ಮ ಹಕ್ಕನ್ನು ಹಿಂದಕ್ಕೆ ಪಡೆಯಲಾಗುವುದು